رحت السوق وجبت العيد منتديات مجننهم

ســــــــــــــــلام علـــــــــــيكم ..


مساكم/وصباحك وردا ارجواني بنكه العسل المصفى..


المكتوب واضح من عمرانه . اقصد المعتوب واضح من كنوانه يووووووه عيت تجي .. اللي فيما معناه كل شي واضح وضوح الشمس في يومعيد ..


والله يا طويلين الاعمار شخصت بثوب مدري كيف تفصيله جبرني عليه واحد من الشباب وقال لا يفوتك الخياط ذا يزبط الثوب زبط ..


الموهم لبسته وليتني ما لبسته .. وشخصت بالغتره والعقال وتطيبت بشويه عطر والله العالم انه كلونيا مدري فتور(هذا حاجه خاصه بالعجايزه ) ..
حصلته قدامي قلت ريحه ولا عدمه ..
الموهم باقي زرارات الثوب ما زريتها وسدري فاتح كني عربجي ..


ركبت السياره وانا ناوي اروح السوق ..
اتصلت على صديقي وكان مقفل جواله .. قلت ابركها من ساعه اقل عذر واكرر في الاتصال حوالي عشر مرات عشان اثبت له اني اعزه وابغاه يروح معي ..


مشيت ورحت للسوق الامحق وانا في الطريق زريت ثوبي وشخصت على المرايه عشان اطلع اتيكيت .. وابرم الغتره كبوريا مدري كوبرا اللي هي ..


والله وصلت للسوق اللي هو قزاز بالتحديد وقفت عند الباب قلت اول شي اشتري عطور لي منه .. << لا تقولون دعايه ..


والله فتحت الباب ونزلت من السياره واول ما حطيت رجلي الا والسياره اللي سافطه جنبي وبغا يدعس رجلي لو ما سحبتها كانت مجبسه الحين والباب راح فيها ..
اناظر فيه وعيناي تقدح شرارا واشوفه يضحك .. <<ياويلي يابرود دمه


قلت ايش فيه ذا يضحك يعني يمكن يعرفني الله العالم ..
لا وبعد مسوي عارض ونصه شعر ابيض( شيب) ..


قلت بس اكيد يعرفني وكنت بروح اسلم عليه .. بس الرجال عيا ما يسكت جالس يضحك ..
اناظر فيه بقوه عين الا وهذي المرأه اللي نزلت من سيارته .. وتناظر فيني وبالاخص تناظرلثوبي .. حسيت بضحكتها ..


قلت اووووه هم تعرفني ذي بعد <<< كويتي ..


قلت روح لنفسي قبل تجيب العيد .. والله وامشي .. والعالم زحمه وكنهم متفقين علي عيونهم طويله البنت تناظر والولد يناظروالرجال يناظر ..


لا اخفيكم اني انحرجت وقلت يعني اول مره يشوفون شاب اطخم (مزيون)..


وش هالعالم المتخلف ..
رحنا للشرق والغرب ما جاني مثل اليوم ذا ..


قلت ياولد اعفس شكلك لا يصكونك بعين اسم الله علي .. والله وافرد الغتره ورا ظهري ..


وامشي . برضو مافيه فايده .. قلت عادي البنات يناظرون مساكين ..


بس وش له والرجاجيل يناظرون فيني .. لدرجة اني ضنيت ضن السوء مع الرجال .. وقلت سبحان الله حتى في شهرالله حركات نص كم ..


دخلت قزاز .. اهلين اخ حسين قلت اهلين فيك قلت له من الحين بتسوي لي خصم اشتريت ولا فخلني ادور لغيرك ..
قال من عنوني التنتين(لبناني) نعطيك اخر ما نزل ولا شو رايك تغير قلت يااخي أي شي .. قال عن اذنك خليك هون دقيقه اخلص اللي في يدي واعطيك شي روعه .. قلت خذ راحتك ..


والله وفي المحل لا زالت الانظار فيني من جميع الاجناس .. اللي يضحك واللي عينه لم تفارقني دقيقه ..


والله رحت ادورلي عطر ..
طبعا المحل معروف من داخل مرايات .. والله واطالع في المرايه بس ماكان بالي من نفسي كنت ادور لي عطر اذكره حلو .. بس ماحصلته بمكانه ..


شوي الا وانا وقفت وقوف مثل الصنم مكاني واناظر في المرايه .. وافتح عيوني خمسه سانتي اكثر .. يالله وش ذا ..


طلعت يا جماعة الخير قالب الازره وخابص(عافس) ابوها خبص(عفس) ..


يعني طلع الثوب مشنوق وانا ماحسيت ..
والله واسحب نفسي من المحل واركب السياره وين انتي يا شقتي وانا جيتك الرجال يناديني يا استاذ تعال قلت برجع برجع(في الاحلام) ...



الله الله ..


هااسمعوني زين اذا كان احد منكم حاضر الموقف فلا يعلمني تكفون ..
واستروا ما واجهتوا ..